Бизнисменот Евгениј Пригожин кој е поврзан со Кремљ и ја контролира озлогласената платеничка група Вагнер, ги обвини „носителите на одлуки“ во Русија за предавство затоа што не им дале муниција на неговите војници и воени единици што им е потребна за да се борат во Украина.
„Криминалната група не ни даде муниција“, рече на 26 април Пригожин во петминутната аудио изјава објавена на Телеграм. Во изјавата тој го повтори своето тврдење дека муницијата била складирана во магацини, но не била испорачана на бојното поле.
Пригожин тврдеше дека неговите војници немале муниција да се борат против украинската артилерија поради „предавството“ на неименувани високи руски функционери, ветувајќи дека ќе ги открие имињата „кога ќе биде вистинското време“.
„Мислам дека ова што се случува денес е злосторство против Русија и рускиот народ. Криминалците мора да одговараат“, рече тој.
Видете и ова: Русија го напаѓа Миколаев со ракети земја-воздухПригожин рече дека украинските вооружени сили најверојатно ќе започнат очекувана контраофанзива на почетокот на мај „за да ги отсечат нашите крила што не можеме да ги покриеме“ поради недостаток на муниција.
„Правиме се што можеме со минималното количество муниција што го имаме сега“, рече Пригожин во изјавата, истакнувајќи дека многу од платениците на Вагнер загинале, биле ранети или ја напуштиле групата по истекот на нивните договори.
„Тие насилници кои носат одлуки мора да одговараат пред мајките, децата и сопругите на загинатите, бидејќи наместо еден човек, одеднаш умираат неколку луѓе. Наместо еден, петмина умираат при упад во зграда, бидејќи ние немаме муниција“.
Пригожин претходно ги нарече борбите во источниот украински град Бахмут „мелница за месо“ и се судри со руските воени претставници околу резервите на муниција.
Видете и ова: Киев: Русија користи се повеќе ресурси за да го нападне БахмутУкраинските и западните воени претставници изјавија дека руските регрути и силите на Вагнер биле третирани како „топовско месо“ во војната.
Пригожин додаде дека контраофанзивата на украинските вооружени сили е „неизбежна“, додавајќи дека Вагнер ќе може „да стои тука уште две до три недели додека последниот куршум не остане во магацинот на автоматската пушка“.
Во очигледен обид да го оправда можниот пораз на неговите војници, тој додаде: „Генерално, приватната воена група Вагнер ја заврши својата историска мисија“.
Изјавата на Пригожин доаѓа помалку од две недели откако тој го повика Кремљ да објави дека се постигнати целите на, како што ја нарекува Москва нејзината „специјална воена операција во Украина“ и да ги запре борбите, истакнувајќи дека „многумина од оние кои ја поддржаа специјалната операција вчера, денес или се сомневаат или категорично се противат на она што се случува“.