Многу научници оваа година очекуваа најголем годишен пад на емисиите на јаглерод диоксид досега, бидејќи мерките за задржување на ширењето на коронавирусот донесоа: приземјени авиони, прикотвени бродови и патници во карантин дома. Според нив, нема знаци на забавување, а камоли на опаѓање на концентрацијата на стакленички гасови во атмосферата и покрај сите обврски согласно Парискиот договор за климатски промени. Светската метеоролошка организација го опиша предвидениот пад во 2020 година како „мал знак“ и наведува дека намаленото влијание на концентрациите на јаглерод диоксид кои придонесуваат за глобалното затоплување нема да биде поголемо од нормалните годишни флуктуации.
Вашиот пребарувач не подржува HTML5
Ковид-19 го намали загадувањето, ама недоволно
„На краток рок, влијанието на ограничувањата заради ковид-19 не може да се разликува од природната варијабилност“, се наведува во Билтенот за стакленички гасови на оваа организација.
Годишниот извештај објавен од агенцијата ОН со седиште во Женева ја мери атмосферската концентрација на гасовите - јаглерод диоксид, метан и азотен оксид - кои ја загреваат нашата планета и предизвикуваат екстремни временски прилики. Генерален секретар на СМО, Петери Талас вели:
„Ако постигнете неутралност на јаглерод или оваа цел од 1,5 степен, тогаш треба да станеме неутрални од јаглерод до 2050 година. И, како што реков, добрата вест е дека сега имаме се поголем број земји и групи на земји кои се посветиле на тоа. Досега имаме 50 проценти од глобалните емисии што доаѓаат од Кина, Европската унија и Јапонија и Јужна Кореја.“
Нивоата на јаглерод диоксид, производ на согорување на фосилни горива што е најголем придонесувач за глобалното затоплување, достигна нов рекорд од 410,5 делови на милион во 2019 година. Годишниот пораст е поголем од претходната година и го надминува просекот во последната деценија.
Глобалните податоци сè уште не се достапни за 2020 година, но трендот на зголемување на концентрациите се чини дека е недопрен, соопшти СМО, повикувајќи се на првичните читања од станиците во Тасманија и Хаваи. Како и другите научни тела, СМО соопшти дека сепак очекува годишните глобални емисии на јаглерод малку да паднат оваа година заради мерките против ковид-19.
Сепак, шефот на СМО за истражување на атмосферско опкружување, д-р Оксана Тарасова вели дека големината на зголемувањето на нивото на јаглерод диоксид во последните четири години е споредлива со промените забележани за време на промената од ледено доба, но, тогаш, транзицијата се случи во текот на многу подолг временски рок.
„Влијанието на ковид врз емисиите е помеѓу 4 до 7 проценти, па и покрај фактот дека се чинеше оти светот стои во мирување, ние добиваме само намалување од 4 до 7 проценти и произведени емисии. Значи, целата наша економија и нашите потрошувачки модели, всушност, нè носат на екстремно високи емисии, дури и ако сите седиме на заклучување и ја ограничуваме нашата подвижност, бидејќи заклучувањето е само ограничување на нашата подвижност, а не и на потрошувачката.“
Затоа Тарасова додава дека без оглед на тоа што правиме за да ги ограничиме емисиите денес, голем дел од јаглерод диоксидот што се испушта веќе неколку децении останува во атмосферата и придонесува за глобалното затоплување.
„Значи, СО2 што го имаме сега во атмосферата е акумулиран од 1750 година, така што тоа е секој поединечен дел што го ставивме во атмосферата од тоа време всушност ја формира сегашната концентрација. Не е тоа што се случи денес или вчера, тоа е целата историја на човечкиот економски и човечки развој.“