Мирен изборен ден, пријавени неколку нерегуларности
На првиот круг од претседателските избори, до 13:00 часот, правото на глас го искористиле 24, 92 отсто од граѓаните. Гласачките места беа отворени навреме, иако некои се соочија со технички проблеми. Во изборната трка има седум кандидати.
Претседателот на ДИК, Александар Даштевски изјави дека гласањето се одвива мирно и без пријавени неправилности на сите избирачки места, иако на одредени места имало технички проблеми, кои како што рече, биле тековно решавани.
И од Министерството за внатрешни информираа дека изборниот ден се одвива мирно и без поголеми нарушувања на изборниот процес. Сепак портпаролот на МВР, Тони Ангеловски, информираше за одредени неправилности кои биле регистрирани на некои гласачки места.
Целиот извештај за досегашниот тек од гласањето можете да го прочитате ТУКА
Првиот круг претседателски избори - мирен со незначителни проблеми
На гласачките места во Скопје, кои ги посетивме во текот на денот, изјаснувањето на граѓаните со право на глас се одвива без проблеми. Тоа го потврдија и претставници на избирачките одбори и граѓаните. Затекнавме и странски набљудувачи. Гласачките места се затвораат во 19 часот.
До 13 часот одзивот на гласачи е 24,92 проценти
Гласањето на сите избирачки места се одвива мирно, а одзивот на гласачите до 13 часот, на првиот круг од претседателските избори изнесува 24,92 отсто, соопшти Државната изборна комисија (ДИК) на прес конференцијата во 13:30 часот.
Право на глас до 13:00 часот оствариле 417 170 граѓани.
Најголем одзив е забележан во општината Новаци (42,87) отсто, а најмал во општината Врапчиште (10,18) проценти.
МВР: Мирен изборен ден со одредени нерегуларности
Од Министерството за внатрешни работи информираат дека изборниот ден се одвива мирно и без поголеми нарушувања на изборниот процес. Сепак како што изјави портпаролот на МВР, Тони Ангеловски, на некои места биле регистрирани одредени неправилности.
„Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач“, изјави Ангеловски. Целата информација ТУКА