Жестока дебата помеѓу Харис и Трамп за Украина

Демократската претседателска кандидатка Камала Харис и нејзиниот републикански ривал Доналд Трамп се судрија околу тоа како да се стави крај на руската војна во Украина во нивната прва дебата лице в лице пред претседателските избори во САД во ноември. Во претседателската дебата на ABC News што се одржа на 10 септември во Филаделфија, Трамп двапати одби да каже дека е во најдобар интерес на САД Украина да ја добие војната против Русија. Харис рече дека конфликтот покажал зошто сојузниците во НАТО се благодарни што Трамп повеќе не е на функцијата.