Денеска пред Министерството за здравство протестираа членовите на Асоцијацијата за цистична фиброза, поради, како што велат, се уште нема најава дека ќе се обезбеди нова и поквалитетна терапија за пациентите. Тие велат дека до овој момент, и покрај ветувањата кои што до сега ги добивале од Министерството за здравство, Фондот за здравство и Одделите каде се лекуваат пациентите, нема поместување во третманот на болеста кон подобро, а здравствената состојба на секој од нив се влошува. Ниту досегашните преговори, ниту петицијата не вродила со плод, велат тие и затоа денеска го повикуваа министерот за здравство Беким Сали да излезе пред Министерството за да му кажат дека „овие пациенти се ретки, но постојат и дека не се ставка во буџетот, туку дека се млади и сакаат да живеат“.
Протест на Асоцијацијата за цистична фиброза: Овозможете ни терапија, сакаме да живееме
1
Од Асоцијацијата за цистична фиброза на протест рекоа дека „до овој момент, и покрај ветувањата кои што до сега ги добивале од Министерството за здравство, Фондот за здравство и Одделите каде се лекуваат пациентите, нема поместување во третманот на болеста кон подобро, а здравствената состојба на секој од нив се влошува“.
2
Собрани се над 10 000 потписи во знак на поддршка на петицијата и истите беа приложени и до Министерството за здравство. Зошто се уште нема обезбедено терапија и дали ќе се обебеди, немаме добиено одговор, беше кажано на протестот
3
Со транспаренти и пароли, насобраните побараа министерот за здравство Беким Сали да излезе надвор, кај нив, зошто времето изминува
4
Асоцијацијата за цистична фиброза водеше активна кампања, за да ги поттикне надлежните институции за воведување на модулаторна терапија за сите пациенти. Терапија која од корен ја видоизменува состојбата на пациентите, велат од Асоцијацијата
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
