Циханускаја: Штета што Русија „застана на страната на диктаторот“

Белорускиот опозициски лидер Свјетлана Циханускаја ја повика Русија да ја поддржи „волјата на белорускиот народ“ и оценува дека е „штета“ што Кремљ е на страната на авторитарниот претседател на земјата, Александар Лукашенко. Таа ова го истакна во интервјуто за РСЕ што го даде преку Скајп од главниот град на Литванија, Вилнус, во момент кога белорускиот лидер се состана со рускиот претседател Владимир Путин во Сочи, Русија. Лукашенко се соочува над еден месец со масовни протести по претседателските избори, кои се оценети како наместени.