Музички отпор против коронавирусот

Во време на епидемија од коронавирусот, Македонци започнаа предизвик на социјалните мрежи – музички карантин. Александар Бошкоски е администраторот на Фејсбук групата, или како што тој вели за себе „нултиот пациент“ на „музичкиот карантин челинџ“. Тој рече дека спонтано „ја дувнал прашината“ од гитарата, отсвирил песна од „Нирвана“, објавил на социјалните мрежи и предизвикал негов пријател. Тоа се случило во првите денови од прогласување на вонредна состојба, а оттогаш има десетици кои се приклучиле кон овој предизвик.