Северна Македонија на самитот на НАТО

Во Лондон започна состанокот на Северноатлантскиот совет, на кој учествуваат шефови на држави или на влади на земјите членки на НАТО, меѓу кои и премиерот Зоран Заев. Северна Македонија се очекува наскоро и официјално да биде 30 членка на Алијансата. Протоколот за членство досега го ратификуваа 28 членки на НАТО, а преостанува тоа да го стори уште Шпанија. – Скорешното полноправно членство во НАТО е реализација на стратешката цел на нашата земја зацртана со консензус во 1993 година и овозможува идеални услови за зајакнат и забрзан економски развој, се додава во соопштението.