Прослава на движењето Бојкотирам пред Собранието

Неколку стотини луѓе, на повик на движењето Бојкотирам, вечерва излегоа пред македонското Собрание, на прослава поради немањето цензус на референдумот за Договорот за името со Грција. Тие рекоа дека народот јасно кажал дека не сака промена на името и дека референдумот, и покрај полнењето кутии, е неуспешен. Во меѓувреме, десетина членови на политичката партија Левица дојдоа да се поклонат пред споменикот на АСНОМ во Паркот Жена-борец, затоа што, според нив, со неуспешниот референдум е одбранет асномскиот карактер на Македонија.