Според некои медиуми, пратениците од ВМРО ДПМНЕ Драган Данев и Даниела Рангелова веќе гласале на референдумот.
Веќе гласал и потпретседателот на ВМРО-ДПМНЕ и градоначалник на Кавадарци, Митко Јанчев. На гласачкото место, тој пристигнал со својата сопруга и едно од децата. По гласањето, се сретнал со јапонски новинари, јави МИА.
ДИК - до 11 часот на рeферендумот излегле над 8%
Досега се доставени седум приговори до ДИК, од кои три се одбиени, додека четири се во обработка. Во функција е телефонската линија за пријавување неправилности.
ОБСЕ/ОДИХР со 200 набљудувачи го следи референдумот
Шефот на Мисијата Јан Петерсен рече дека набљудувачите се на гласачките места пред почетокот на гласањето и ќе бидат таму во текот на денот.
Ние само набљудуваме, не се мешаме на никаков начин, не даваме коментари, нема да даваме проценки пред нашата прес-конференција закажана за утре, изјави Петерсен, кој набљудува на гласачко место во гимназијата „Јосип Броз Тито“ во Скопје.
