Референдум 2018

септември 30, 2018

Граѓаните на Македонија, со право на глас, се изјаснија на прашањето „Дали сте за членство во НАТО и ЕУ со прифаќање на договорот меѓу Македонија и Грција“.

Референдумот помина мирно и без посериозни инциденти
На референдумот гласале над 650 илјади гласачи, а над 91 отсто од нив гласале „за“
Премиерот Зоран Заев им честита на сите што гласаа и изјави дека сега на потег е Собранието, а ако не поминат уставните измени, можни се предвремени избори
Противниците сметаат дека референдумот не бил успешен, бидејќи не е постигнат цензусот

12:00 30.9.2018

ДИК - до 11 часот на рeферендумот излегле над 8%

Досега се доставени седум приговори до ДИК, од кои три се одбиени, додека четири се во обработка. Во функција е телефонската линија за пријавување неправилности.

11:56 30.9.2018

Веќе гласал и потпретседателот на ВМРО-ДПМНЕ и градоначалник на Кавадарци, Митко Јанчев. На гласачкото место, тој пристигнал со својата сопруга и едно од децата. По гласањето, се сретнал со јапонски новинари, јави МИА.