Столтенберг – Продолжете ги реформите и решете го спорот за името

Охрабрувачки порака до владата за досега спроведеното, со забелешка дека реформите мора да продолжат, но и оти спорот за името мора да се реши за Македонија да влезе во НАТО, упати генералниот секретар на Алијансата Јенс Столтенберг во своето 15-минутно обраќање во Собранието. Тој рече дека насилствата во Собранието во април лани биле шокантни, но оти Македонија оттогаш направила напредок. Додека Столтенберг беше во зградата на парламентот, пред неа околу педесетина луѓе протестираа и собираа потписи против, како што велат, носењето на некои закони и промената на името.