ВМРО-ДПМНЕ на протест пред Влада, Груевски бара амнестија за „27 април“

Опозициската ВМРО-ДПМНЕ денеска организираше протестен марш за ослободување на уапсените за насилствата во Собранието на 27 април, меѓу кои и нивни партиски функционери, членови и уметници. Маршот, под мотото „За правдината, за татковината“, се одржа од Министерството за правда до пред владата, каде што се обрати партискиот лидер Никола Груевски. На протестот на кој учествуваа над 1.000 луѓе, Груевски рече дека ВМРО-ДПМНЕ предложиле закон за амнестија на учесниците од инцидентот од 27 април со што ќе почне периодот на национално помирување.