Инфографика за одѕивот до 17 часот
На локалните избори до 17 часот гласале над 49 отсто од регистрираните избирачи. Најголема излезност има во Вевчани од 72,05 проценти, а најмала во Маврово-Ростуше со 31,19 проценти.
МВР - Обид за физичка пресметка во Горно Седларце и фотографирање гласачки ливчиња
Министерството за внатрешни работи информира дека попладнево во текот на локалните избори е регистриран обид за физичка пресметка меѓу гласач и член на избирачки одбор, осум случаи на фотографирање гласачки ливчиња и две гласања во име на друго лице.
Мирни избори со помала излезност од претходните
Гласањето помина мирно, без поголеми нарушувања на јавниот ред и мир. Забележани се одредени нарушувања на изборниот процес и од стана на избирачки одбори и од гласачи и од партиски активисти, заклучуваат задолжените за спроведување и набљудување на изборниот процес. Излезноста е помала отколку на претходните избори.
Затворени гласачките места
Во 19 часот се затворени избирачките места на кои граѓаните можеа да гласаат на денешните шести локални избори во Република Македонија. По затворањето на избирачките места можат да гласаат само лицата кои во тој момент се затекнале во објектот каде што се гласа.