Лидерите на иницијативата „За заедничка Македонија“ ги осидија денешните насилства во Парламентот, но повикаа на останување пред Собранието, на мирен протест.
Полицијата го испразни Собранието, 45 повредени во насилствата
Полицијата вечерва ја испразни собраниската зграда. Светлата во законодавниот дом се изгаснати. Пред сите влезови има припадници на полицијата, а околу Собранието се поставени метални барикади. Вкупно 45 луѓе, меѓу кои тројца полицајци и обезбедување, се примени вечерва во Градската болница во Скопје. Четворица се задржани на понатамошно лекување.
СДСМ повика на воздржаност, насилниците ќе одговараат
СДСМ во пишано соопштение повикува на максимална воздржаност и присебност од секој граѓанин, независно од каква било различност. Од СДСМ додаваат дека во периодот што претстои процесите ќе продолжат со конечно реализирање на мнозинската волја на граѓаните.
„Сите оние кои денеска вршеа насилство врз легитимните претставници на граѓаните во Парламентот и врз Законодавниот дом, ќе се соочат со лична кривична одговорност“, се вели во соопштението.