Маршеви на жените за човекови права се одржуваат во Вашингтон и во стотици градови ширум светот.
Стотици илјади луѓе, а дел од организаторите велат дека имало и половина милион, излегоа на улиците на Вашингтон на првиот ден од претседателствувањето на новоизбраниот американски претседател Доналд Трамп, како одговор на „навредите и демонизирањето“ на жените и другите маргинализирани групи за време на предизборната кампања.
Полицијата соопшти дека немало апсења, а насобраните веќе се разотидуваат.
Стотици слични настани се одржaа и во други градови во САД, но и ширум светот.
Нашиот дописник Карл Шрек пренесува дел од атмосферата во Вашингтон.
Го повторуваме линкот на кој во живо може да го следите Женскиот марш во Вашингтон.
Претседателката и извршна директорка на Националната коалиција на црни граѓански здруженија, Мелани Кемпбел, пред насобраните во Вашингтон рече дека маршираат за да го заштитат „човековото право за контрола врз сопствените тела“.
„Маршираме за човекови права“, рече таа.
Фотографии од Женскиот марш во Вашингтон:
