Женски марш во Вашингтон

јануари 21, 2017

Маршеви на жените за човекови права се одржуваат во Вашингтон и во стотици градови ширум светот.

Стотици илјади луѓе, а дел од организаторите велат дека имало и половина милион, излегоа на улиците на Вашингтон на првиот ден од претседателствувањето на новоизбраниот американски претседател Доналд Трамп, како одговор на „навредите и демонизирањето“ на жените и другите маргинализирани групи за време на предизборната кампања.

Полицијата соопшти дека немало апсења, а насобраните веќе се разотидуваат.

Стотици слични настани се одржaа и во други градови во САД, но и ширум светот.

Женски марш против фашизмот во Белград

Активистки од феминистички и антифашистички движења денеска во центарот на Белград организираа „Женски марш против фашизмот“, сакајќи со тоа да укажат на растот на десничарските политички сили секаде во светот и на загрозувањето на правата на жените. Маршот, на кој има околу 100 учесници, почна во Пионерскиот парк.

Ви благодарам што стоите, зборувате и марширате за нашите вредности. Важно е, како и секогаш. Искрено верувам дека секогаш сме посилни заедно, напиша Хилари Клинтон на Твитер.

Почна женскиот марш во Вашингтон. Овде може да го следите видео преносот во живо.

Дел од учесничките на протестот носат розови плетени капчиња, како дел од Проектот Пусихет.

Вчитај повеќе

Достапни линкови

Следете не

Женски марш во Вашингтон

Женски марш против фашизмот во Белград