Доналд Трамп денеска стана 45-ти претседател на Соединетите Држави. 70-годишниот републиканец влегува во Белата куќа по неговата долга и богата бизнис кариера.
- Доналд Трамп денеска даде заклетва и стана 45-ти претседател на САД.
- „Ќе ја трансферираме моќта од Вашингтон, назад кон вас, луѓето“, изјави Трамп по давањето заклетва.
- Во инаугуралниот говор, Трамп изјави: „Америка на прво место“
- Трамп му се заблагодари на, како што рече, прекрасниот Обама.
- Илјадници луѓе присуствуваа на свеченоста во Вашингтон, меѓу кои, бивши лидери и странски гости.
- Во Вашингтон имаше и демонстрации на противници на Трамп, кои искршија неколку излози.
Церемонијата на иниугурацијата е во тек. Доналд Трамп ќе се заколне врз таканаречената Линколн библија, која беше користена и од Барак Обама.
Мајк Пенс положи заклетва како потпретседател на САД
Доналд Трамп и официјално е инаугуриран за 45 американски претседател. Илјадници луѓе, меѓу кои, поранешни лидери и гости пристуствуваат на церемонијата пред зградата на Конгресот на САД во Вашингтон. Претходно заклетва положи потпретседателот на САД Мајк Пенс.
