ДУИ - Фер избори со мали нерегуларности
Портпаролот на ДУИ Бујар Османи вечерва, по завршувањето на гласањето, изјави дека предвремените парламентарни избори биле слободни, фер и демократски со мали нерегуларности кои не влијаат на конечниот резултат на изборите.Останува сепак најважната фаза од изборите, а тоа е пребројувањето на гласовите, рече Османи.
Седиштето на СДСМ се полни со активисти
Седиштето на СДСМ се полни со членови и активисти во очекување на изборните резултати.
Ставрески дојде во седиштето на ВМРО-ДПМНЕ
Поранешниот вицепремиер и министер за финансии Зоран Ставрески дојде во центарот за комуникации во седиштето на ВМРО-ДПМНЕ во Скопје
Излезност од над 70 отсто до 18 часот во три изборни единици
Граѓанската асоцијација МОСТ попладнево соопшти дека до 18 часот најголем одѕив има во Четвртата изборна единица каде излегле на гласање 72,95 проценти од гласачите, а најмал одѕив има во Шестата изборна единица каде гласале 50,28 проценти.
Според податоците на МОСТ, во Првата изборна единица до 18 часот излезноста изнесува 71,44 проценти, во Втората изборна единица 64,09 проценти, во Третата изборна единица 70,31 проценти и во Петтата 62,25 проценти.