Седиштето на СДСМ се полни со активисти
Седиштето на СДСМ се полни со членови и активисти во очекување на изборните резултати.
ДУИ - Фер избори со мали нерегуларности
Портпаролот на ДУИ Бујар Османи вечерва, по завршувањето на гласањето, изјави дека предвремените парламентарни избори биле слободни, фер и демократски со мали нерегуларности кои не влијаат на конечниот резултат на изборите.Останува сепак најважната фаза од изборите, а тоа е пребројувањето на гласовите, рече Османи.
МОСТ - неправилно гласање, поткуп и агитација
Граѓанската асоцијација МОСТ на прес-конференција по завршување на гласањето ги наброја нерегуларносттие што нивните набљудувачи ги воочиле на терен. Имало непочитување на постапката на гласање и проблеми предизвикани од подносители на кандидатски листи и гласачи.
Груевски се појави во седиштето на ВМРО-ДПМНЕ
Лидерот на ВМРО-ДПМНЕ Никола Груевски се појави во партиското седиште во Скопје по завршувањето на гласањето. Со него е поранешниот лидер на ВМРО-НП Маријан Додовски.