ВО ЖИВО: Претседателски и парламентарни избори

Парламентарните поинтересни од претседателските избори во шестката Во шестата изборна единица и во текот на попладневните часови слична состојба како во во текот на утринските часови, поголем одѕив на гласачи за предвремените парламентарни избори, отколку за изборот на претседател.

Излезноста во Вевчани околу 70 отсто до 17 часот Во Општина Вевчани до 17 часот гласале 69,94 проценти за претседателските и 70,17 отсто за парламентарните избори, информира претседателот на Општинската изборна комисија, Новица Костојчиноски.

Обвинувања за организирано носење гласачи во струшко Претставници на политички партии во Струга реагираат дека активисти на други политички партии организираат превоз и носат дел од жителите на селските средини на гласање до избирачките места, јавува нашиот дописник Мики Трајковски.

Новаци рекордер во излезност на гласање Пелагониската општина Новаци го собори рекордот во излезност на гласање. Според Стевче Ангелевски, претседател на Општинската изборна комисија, до 17 часот на предвремените парламентарни избори гласале 72,56 проценти од вкупниот број гласачи.