Се што се случува на вториот круг претседателски и предвремените парламентарни избори - гласањето, евентуалните нерегуларности, реакциите и првичните резултати.
Мал интерес кај Албанците за претседателските избори
На два часа пред затворањето на гласањето, во Општина Желино, каде живее претежно албанско население, 9 отсто од граѓаните се решиле да гласаат за еден од двајцата кандидати за претседател кои влегоа во вториот круг. Слична е состојбата и во Боговиње каде е забележана излезност од 11,39 проценти на претседателските избори.
18:2127.4.2014
Во гевгелиско до 17 часот одѕивот преку 65 отсто
Во Општина Гевгелија, според податоците од ОИК, до 17 часот на гласање излегле 12.739 граѓани од вкупно 19.509 евидентирани гласачи. Процентот на избирачи кои гласале за шеф на државата изнесува 65,3 отсто, а за новиот парламентарен состав 65,4 отсто.
18:2627.4.2014
Во прилепско одѕивот до 17 часот над 61 отсто
До 17 часот во Општина Прилеп за избор на претседател гласале 61 отсто, а за изборот на пратеници излегле 62 проценти од регистрираните избирачи.
18:3427.4.2014
Излезноста во Охрид 55 отсто до 17 часот
Целиот изборен процес во Охрид, како што официјално соопштуваат од ОИК, се одвивала во мирна и фер атмосфера. Во Општина Охрид за претседателските избори до 17 часот на гласање излегле 54,77 отсто од гласачите, а за предвремените парламентарни избори, до 17 часот на гласање излегле 55,46 отсто од запишаните избирачи.
