Се што се случува на вториот круг претседателски и предвремените парламентарни избори - гласањето, евентуалните нерегуларности, реакциите и првичните резултати.
Граѓаните на Македонија избираат претседател на државата и пратеници.
11:5427.4.2014
МОСТ: До 10 часот излезеноста најголема во ИЕ 3 - 13,6 отсто
До 10 часот одѕивот на гласачите на парламентарните избори е - 10,26 отсто во Изборната единица (ИЕ) 1, 9,99 проценти во ИЕ 2, 13,6 во ИЕ 3, 12,54 во ИЕ 4, 10,18 во ИЕ 5 и 5,74 ИЕ 6, соопшти граѓанската асоцијација МОСТ.
Излезеноста за претседателските избори, пак, до 10 часот е 9,4 отсто.
Набљудувачите на МОСТ забележале повеќе неправилности, семејно гласање, фотографирање гласачки ливчиња, гласно читање имињата на гласачи.
12:0227.4.2014
Денес гласаат изнемоштените, болните и старите, здравите вчера гласаа во Италија, #избори
Во тетовско и гостиварско помал одзив за претседателските избори, јавува Александар Самарџиев
Во Тетовско и Гостиварско по првите неколку часа од гласачите евидентно е дека повеќе се гласа за кандидатите за пратеници отколку за претседателските избори. Вакви податоци имаат речиси сите избирачки места кои ги посетивме, а дека е иста состојбата и на општинско ниво, потврдуваат од општинските изборни комисии.
Така, во Тетово до 10 часот според општинската изборна комисија за претседателските избори излезноста е 3, 2 проценти додека за предвремените парламентарни избори 4,8 %. Во Гостивар 3,8 % од граѓаните гласале за еден од претседателските кандидати додека за кандидатите за пратеници глас дале 6,38 проценти од гласачите.
