Се што се случува на вториот круг претседателски и предвремените парламентарни избори - гласањето, евентуалните нерегуларности, реакциите и првичните резултати.
ДЕСЕТ ПАТИ ПОВЕКЕ СЕ ГЛАСА ЗА ПРАТЕНИЦИ ОТКОЛКУ ЗА ПРЕТСЕДАТЕЛ
Јавува Кенан Мимидиновски
Денешните двојни избори во општина Дебар до напладне ги карактеризира нагласениот бојкот во градот на гласањето за претседателелот на државата, што не е случај во селските налсеби каде се гласа како за листата на пратеници така и за листата на претседатлески кандидати. Во поголемите избирачки места во Дебар десетина пати е поголем бројот на гласачките за пратеничката листа во споредба со оние кои гласаат и за претседател на државата. Според општинската изборна комисија во Дебар гласањето се одвива без проблеми.
Излезеноста на на гласачите во општина Дебар каде има 27 гласачки места до 10 часот е мала, така што според ОИК бројот на излезени гласачи за преседател на државата изнесува околу 2 насто, додека за пратеничката листа процентот е над 4%. Сепак од 10 до 12 часот имаше помасовно излегување на гласачите посебно го градот.
Во Центар Жупа дојдени на гласање и извесен број печалбари
Во општина Центар Жупа, која е во изборната единица број 5, во споредба со пред две недели, се забележува и гласање на печалбари кои деновиве пристигнале во родниот крај. Некои од гласачите кои се на печалба, за РСЕ изјавија дека се дојдени од Италија за да гласаат , но додаваат дека оваа појава не е масовна како за локалните избори лани.
Во оваа општина ,според претседателот на општинската изборна комисија Шефко Јусуф се евидентирани вкупно 5.986 гласачи, се гласа во 16 избирачки места а до 10 часот излезеноста изнесува 3,65 насто.
