Се што се случува на вториот круг претседателски и предвремените парламентарни избори - гласањето, евентуалните нерегуларности, реакциите и првичните резултати.
ВМРО-ДПМНЕ во Охрид прослави победа, јавува нашиот репортер Мики Трајковски. Во владејачката партија велат дека разликата од 8 илјади гласови покажуваат оти охриѓани ја почитуваат работата на ВМРО-ДПМНЕ. Симпатизерите и членството на партијата од седиштето на општинскиот комитет, прославата ја продолжија по улиците на Охрид и на градскиот плоштад.
22:5627.4.2014
ГРОМ: Фер, демократски и достоинствени избори
Претседателот на Граѓанска опција за Македонија и лидер на коалицијата ГРОМ, Стевчо Јакимовски вечерва на прес-конференција ги оцени како фер, демократски и достоинствени денешните предвремени парламентарни избори.
22:4927.4.2014
ДИК: Иванов пред Пендаровски
Од преброените гласови од 1.709 избирачки места од вкупно 3.512 во Македонија и во странство, според податоците на Државната изборна комисија (ДИК), кандидатот за претседател на ВМРО-ДПМНЕ и коалицијата „За подобра Македонија“ Ѓорге Иванов има освоено 188.554 гласови, додека кандидатот на СДСМ за претседател Стево Пендаровски 130.065 гласови.
22:2727.4.2014
Либералите не ги признаваат изборните резултати
Извршниот комитет на Либералната партија истакнува дека се солидаризира со ставот на мнозинството опозициски партии за неприфаќање на резултатите од денешните избори.
