Се што се случува на вториот круг претседателски и предвремените парламентарни избори - гласањето, евентуалните нерегуларности, реакциите и првичните резултати.
Бројни нерегуларности се идентификувани до 18 часот во Цивил, особено во Кочани, во ромско маало, каде што се добиени претставки во однос на поткуп на гласачи за 500 денари, а едно лице истовремено извадило седум лични карти и гласало со нив. Забележани се и неколку случаи на ветувања за договори за откуп на тутун и ветувања за платени ужинки во училиштата доколку граѓаните го дадат гласот за одредена партија.
21:4727.4.2014
ДИК: ВМРО-ДПМНЕ води пред СДСМ
Според резулатите кои досега ги обработила Државната изборна комисија, ВМРО-ДПМНЕ има 81.971 гласови, односно 41,27, а СДСМ- 41.451 или 20,87 отсто од гласовите. Досега се процесирани 1.046 избирачки места од вкупно 3.514 места, или 29,77 проценти од гласачките места.
20:4327.4.2014
МВР - Најмирни избори досега
Денешниот изборен ден мина без инциденти и е еден од најмирните избори во досегашната историја на повеќепартиски избори на Македонија без какви било инциденти, изјави вечерва на прес-конференција министерката за внатрешни работи Гордана Јанкулоска.
