Се што се случува на вториот круг претседателски и предвремените парламентарни избори - гласањето, евентуалните нерегуларности, реакциите и првичните резултати.
МОСТ - Најголем одѕив во четвртата изборна единица, најмал во шестата
На предвремените парламентарни избори најголем одѕив до 18 часот има во четвртата изборна единица со 67,91 процент, по која следат ИЕ 3 со 65,83 проценти, ИЕ 1 со 61,11 проценти, ИЕ 5 со 56,94 проценти, ИЕ 2 со 56,48 проценти и шестата изборна единица со 48,41 проценти.
20:3627.4.2014
Саздов прогласи победа во Америка
Павле Саздов, актуелниот пратеник од Осмата изборна единица, која го покрива американскиот континент, прогласи победа по вчерашното гласање.
20:3327.4.2014
Гласањето заврши
Поголема е излезноста на парламентарните отколку на претседателските избори. За МВР гласањето поминало мирно без поголеми нерегуларности, додека невладините јавуваат за редица неправилности.
20:2727.4.2014
СДСМ не ги признава, за ВМРО-ДПМНЕ најмирни избори досега
СДСМ не го признава изборниот процес, без разлика на резултатите, соопшти лидерот на СДСМ, Зоран Заев на прес-конференција во 19 часот. За владејачката ВМРО-ДПМНЕ, пак, ова беа најмирните избори од осамостојувањето на Македонија.
