Граѓаните на Македонија гласаа за претседател на државата. На нашата интернет страница можете да се информирате во живо, преку вести, снимки и ваши пораки, за се она што е најактуелно во врска со гласањето, одѕивот и првичните резултати.
Мала излезност и забележани неправилности во Струга
Во Струга до 17 часот излезноста била 21,57 отсто, додека во Охрид е 50 отсто. Во струшко, во неколку населени места со чисто етничко албанско население процентот на излезеност на локалните жители е под 1 отсто. Во Струга главен проблем претставува брзото бришење на мастилото со кое се одблежува секој гласач. Исто така граѓани се жалат дека луѓе во комбиња и автомобили седеле пред речиси секое избирачко место во Струга и струшко и воделе евиденција кој одел на гласање.
19:1613.4.2014
Заврши првиот круг од гласањето за претседател
Вербални напади и кавги меѓу политичари, закани до набљудувачи на гласачки места, искршени партиски штабови, гласачко мастило кое се брише. Ова се дел од забелешките на набљудивачите.
19:1713.4.2014
Кандидатите за претседател очекуваат фер трка
Откако го остварија своето право на глас кандидатите за претседател на Македонија изјавија дека очекуваат коректни избори.
