Граѓаните на Македонија гласаа за претседател на државата. На нашата интернет страница можете да се информирате во живо, преку вести, снимки и ваши пораки, за се она што е најактуелно во врска со гласањето, одѕивот и првичните резултати.
Асошитед прес: важноста на церемонијалната функција
Во Македонија скоро милион и 800 илјади граѓани со право на глас денеска избираат претседател. Асошитед прес наведува дека и покрај тоа што претседателот се избира со директно гласање, неговата функција е главно церемонијална. Сепак, како што се наведува, денешните избори се тест за да се види каква е силата на партиите кои по две недели ќе ги одмерат силите и на парламентарни избори. „Земјата која е нешто поголема од државата Вермонт по стекнувањето независност се уште се бори да го најде своето место на меѓународната сцена. Проблемот е противењето на Грција за нејзиното име“, пишува Асошитед прес.
12:3513.4.2014
МИНИМАЛЕН БРОЈ ГЛАСАЧИ ВО ДЕБАР
Во Општина Дебар бројот на излезените гласачи е минимален особено во градот . Според изборачките одбори до 12 часот се излезени нешто повеке од 3 насто од гласачите а во две избирачки места во Дебар не е регистрирани нуту еден гласач и покрај тоа што во едното има над 8оо гласачи додека во другото над 1ооо. Во споредба со изминатите избори било тоа да биле претседателски или парламантарни бројот на оние кои гласат многу мал. Инаку во општина Дебар бројот на евидентираните гласачи е 17.298 а се гласа во 27 избирачките места од кои 21 во градот и 6 во селските населби.
