БЛОГ - Локални избори 2013

ВМРО-ДПМНЕ објави победа во најголем број општини

ВМРО-ДПМНЕ победува во повеќе општини и со поголема разлика отколку што очекувавме, изјави Илија Димовски, директор на Центарот за комуникации на партијата.

Цивил - Голем број неправилности

Голем број неправилности и злоупотреби, регистрираа набљудувачките тимови на Цивил – Центар за слобода, што во рамките на проектот Слободни и ненасилни избори го следи денешното гласање.

ДУИ прогласи победа во Дебар, Желино, Пласница и Боговиње

Демократската унија за интеграција (ДУИ) доби градоначалнички места во првиот круг во Дебар, Желино, Пласница и Боговиње, информира портпаролот на ДУИ Бујар Османи.

Тачи - ДПА оди во втор круг во Тетово

Не ги добивме овие избори, но имаме 21 илјади гласови повеќе од парламентарните избори во 2011 година, рече претседателот на ДПА Мендух Тачи. Тој рече дека ДПА победува во Струга и се надева на победа во Тетово во вториот круг. Според него, ДПА оди во вториот круг во Студеничани, Неготино-Врапчиште, Долнени и Теарце.