БЛОГ - Локални избори 2013

Победа на ВМРО-ДПМНЕ, СДСМ обвинува за нерегуларности bit.ly/16SJtkO

— Slobodna Evropa (@RSE_Makedonski) March 25, 2013

Победа на ВМРО-ДПМНЕ, СДСМ обвинува за нерегуларности

Владејачката ВМРО-ДПМНЕ прогласи убедлива победа на локалните избори, опозицијата обвини дека изборите не биле фер и демократски и се закани со бојкот на вториот круг. Домашните набљудувачи нотирале бројни неправилности, а претседателот на ДИК Борис Кондарко рече дека информациите за многуте сериозни нерегуларности треба да бидат истражени.

Црвенковски - Сите опции се отворени, вклучувајќи и неучество во вториот круг

Лидерот на СДСМ Бранко Црвенковски на прес конференција оцени дека овие избори биле сè, само не фер.

Кондарко - Бројни сериозни нарушувања на изборниот процес

Претседателот на ДИК Борис Кондарко рече дека изборниот ден помина без насилство и без предизвикување физички инциденти, но дека, според сознанијата и информациите на ДИК, имало и огромен број сериозни нарушувања на изборниот процес и постапката за гласање во и вон гласачките места.