БЛОГ - Локални избори 2013

Заев прогласи победа на Фејсбук

Актуелниот градоначалник на Струмица на неговиот Фејсбук профил напиша дека убедливо води на локалните избори во градот.

„И покрај сите закани, притисоци, уцени што се правеа во текот на целиот ден и на сите гласачки места, Зоран Заев на неполн час пред затворањето на гласачките места води убедливо во Струмица со 8.220 гласови. Струмица знае и докажува на кого му ја дава довербата“, напиша тој.

Интересен момент од денешното гласање

Што забележаа камерите на ТВ Алфа.

СДСМ - Голем број неправилности на изборите

„Голем број граѓани не можеа да го остварат уставно загарантирано избирачко право, регистрирано е семејно гласање, фантомски гласачи, бугарски воз, обид за заплашување, недостаток на изборен материјал“, рече потпретседателот на СДСМ Гордан Георгиев.

ДУИ: Изборите фер и демократски

Првичната оценка на Демократската унија за интеграција е дека денеска одржаните локални избори биле фер и демократски и оти изборниот ден поминал мирно, изјави шефот на Изборниот штаб на ДУИ Абдулаќим Адеми.