Битолскиот градоначалник Владимир Талески не се појави на седница на Советот да ја образложи завршната сметка на општинскиот буџет за 2011 година. Наместо тоа на советниците им пушти снимен филм за сработеното и потрошеното. Ова ја налути опозицијата која претходно се подготвуваше да го бомбардира со прашања за извршувањето на буџетот.
Советниците од СДСМ се пожалија дека Талески ретко доаѓаа во Советот, па не можат лично да му постават прашања за финансиското и другото работење.
„Овој спектакл во ниту еден момент нема да го покрие отсуството на Талески. Една транспарентна општина не се крие зад филм за да проговори за своите резултати. Главната работа која не ја кажа е дека буџетот на општината е намален од 22 милиони на помалку од 19 милиони евра. Се помал е процентот на приходи кои се прибираат по основ на разни ставки кои го полнат буџетот“, обвини советничката од СДСМ, Наташа Струмениковска.
Според советниците на ВМРО-ДПМНЕ не се работело за филм туку за современа презентација на завршната сметка. Тие сметаат дека нема потреба многу да се зборува на оваа тема зашто има многу повисок процент на остварени приходи во буџет на Битола за разлика од општините кои ги водат градоначалници од СДСМ.
„Ова не можете да го нарекувате филм, ова е презентација на завршна сметка. Податоците укажуваат дека процентот на оствареност на приходите на општина Битола во изминатата година е над 77 проценти. Економски се што надминува над 70 поценти може да се смета за успех. Споредено со општина Струмица процентите на оствареност на приходите е 61, а со Карпош 39 проценти- изјави Маргарита Ивановска, советник од ВМРО-ДПМНЕ.
Овој спектакл во ниту еден момент нема да го покрие отсуството на Талески. Една транспарентна општина не се крие зад филм за да проговори за своите резултати. Главната работа која не ја кажа е дека буџетот на општината е намален од 22 милиони на помалку од 19 милиони евра.Наташа Струмениковска, СДСМ.
Советниците од СДСМ се пожалија дека Талески ретко доаѓаа во Советот, па не можат лично да му постават прашања за финансиското и другото работење.
„Овој спектакл во ниту еден момент нема да го покрие отсуството на Талески. Една транспарентна општина не се крие зад филм за да проговори за своите резултати. Главната работа која не ја кажа е дека буџетот на општината е намален од 22 милиони на помалку од 19 милиони евра. Се помал е процентот на приходи кои се прибираат по основ на разни ставки кои го полнат буџетот“, обвини советничката од СДСМ, Наташа Струмениковска.
Според советниците на ВМРО-ДПМНЕ не се работело за филм туку за современа презентација на завршната сметка. Тие сметаат дека нема потреба многу да се зборува на оваа тема зашто има многу повисок процент на остварени приходи во буџет на Битола за разлика од општините кои ги водат градоначалници од СДСМ.
„Ова не можете да го нарекувате филм, ова е презентација на завршна сметка. Податоците укажуваат дека процентот на оствареност на приходите на општина Битола во изминатата година е над 77 проценти. Економски се што надминува над 70 поценти може да се смета за успех. Споредено со општина Струмица процентите на оствареност на приходите е 61, а со Карпош 39 проценти- изјави Маргарита Ивановска, советник од ВМРО-ДПМНЕ.
