И натаму метеж пред ФЗО

Тие се жалат на мачната процедура на поднесувањето на потребните документи со која треба да се изврши нивна прегистрација. Околу 250 илјади невработени лица имаат рок до 1 септември да ја завршат законската обврска доколку сакаат да добијат сини картони. И покрај тоа што Фондот го продолжи работното време на шалтерските службеници од 7:30 до 18:30 часот се уште има гужва пред влезот на зградата.

„Ќе чекаш и ќе те викнат навечер во 18:30 часот, а од сабајле од 6 часот отвараат, а во 18:30 дури ќе те викнат. Ужасно на ова пеколно сонце цел ден чекаме.“

„Катастрофа, од сабајле од пет часот чекам.“

„Ова е ужасна работа, со часови чекам.“

„За бројче чекам, запишаа таму. Жена падна во несвест.“

Граѓаните велат дека Фондот можел да најде друго решение со кое би им се скратиле маките.

„Да дојдеш да те запишат, па ќе чекаш бројче да земеш, па додека дојдеш на ред, вечер не знам дали ќе завршиме работа.“



„Срамота ова што го прават. Место некој ред се се создаде по општините, ова се полошо. Катастрофа.“

Полицијата се обидуваше да воспостави ред меѓу изреволтираните и нервозни граѓани.

„Назад, сите назад.“

Сите невработени лица, доколку не извршат пререгистрација во наредните дваестина дена ќе останат без сини картони, односно ќе мора да си ги плаќаат здравствените услуги.