Американскиот Претседател Барак Обама во Франција учестуваше на церемиониите по повод 65 годишнината од Денот Д, кога сојзничките сили се истоварија во Нормандија. На цермонијата беа и лидерите на Франција, Никола Саркози на Канада премиерот Стивен Харпер како и британскиот принц Чарлс и премиерот Гордон Браун.
„Има време и место кога храброста на неколкумина успеа да го промени развојот на еден цел век“
Порача во говорот пред илјадници воени ветерани и граѓани претседателот Барак Обама во Каен Франција. Жителите на Нормандија на улиците ги извадија знамињата на Соединетите Држави и Франција. Меѓу илјадници ветерани на улиците беше и пра вујкото на Барак Обама, Чарли Пајен, кој учествуваше во ослободувањето на концентрациониот логор во Бухенвалд во Германија. Сојузниците на Денот Д и кампањата во Нормандија претрпеа загуби од 215 илјади војници.
По оваа инвазија започна повлекувањето на нацистичките трупи од Западна Европа а една година подоцна заврши Втората Светска Војна. Ова е последна станица на американскиот претседател Барак Обама кој деновиве ги посети Блискиот Исток и Германија.
