Тинејџерка со церебрална парализа: „Вклучете ги мозоците и за нас, поинаквите“

Шеснаесетгодишната Дени живее со церебрална парализа и со многу соништа поврзани со уметноста. Таа не дозволува состојбата да ѝ застане на патот. Па заедно со својата наставничка по музичко образование од училиштето „Гоце Делчев“ каде завршила основно, и денес, вредно се посветува на музичката мисија. Кога се движи низ Скопје со количка во придружба на својата мајка, оваа средношколка од гимназијата „Јосип Броз Тито“, мора да ги заобиколува физичките пречки, па има и што да им порача на институциите.