Бајден со поддршка за Украина во обраќањето за состојбата на нацијата
Во своето прво обраќање за состојбата на нацијата, американскиот претседател Џо Бајден во вторникот вечерта ја осуди инвазијата на рускиот претседател Владимир Путин и ја собра двопартиската поддршка за Украина. Тој се осврна на зголемената инфлација што го попречува економското закрепнување од пандемијата и ја истакна агендата за „единство“ за која рече дека може да добие целосна поддршка во Конгресот.
Црна Гора се приклучува на санкциите на ЕУ против Русија
Црногорското Министерство за надворешни работи денеска соопшти дека земјата се приклучила на санкциите што Европската унија ги воведе против Русија по нејзиниот напад врз Украина.
БиХ се усогласи со првиот пакет ЕУ-санкции за Русија, објави Борел
Високиот претставник на Европската унија (ЕУ) за заедничка надворешна и безбедносна политика, Жозеп Борел, потврди дека и Босна и Херцеговина ја почитувала одлуката за воведување санкции против Русија. Тој го наведе тоа во Декларацијата за усогласување на одредени земји во врска со рестриктивните мерки во однос на руските акции кои ја дестабилизираат ситуацијата во Украина.
Русите бомбардираат цивилни цели - сведочат жителите на Харков
Руските сили неколку дена жестоко го гранатираат Харков, вториот по големина град во Украина. Локалните жители во страв и неверување зошто паѓаат бомби и гранати и врз станбени објекти. Има десетици жртви.