Зеленски: досега 137 Украинци загинаа во руската инвазија
Украинскиот претседател Володимир Зеленски изјави дека 137 цивили и воен персонал досега се убиени во руската инвазија на неговата земја. Тој ги нарече „херои“ во видео-обраќањето објавено рано изутрината, во кое, исто така, наведува дека повеќе од 300 луѓе биле повредени за помалку од 24 часа борби. „Тие убиваат луѓе и ги претвораат мирните градови во воени цели. Тоа е никогаш нема да биде простено“, рече Зеленски.
Запалена зграда во Киев откако, според властите се урнал авион погоден од украинските сили
Зеленски: руски диверзантски групи влегле во Киев
Украинскиот претседател Владимир Зеленски во обраќање до нацијата денеска изјави дека руски диверзантски групи влегле во Киев. Тој рече дека Украина е оставена сама да се бори против Русија.
НАТО самит за зајакнување на мерките за одвраќање по рускиот напад
НАТО денеска ќе одржи итен виртуелен самит на 30-те земји-членки за да преземе дополнителни чекори за зајакнување на одвраќањето и одбраната на Алијансата откако Русија започна инвазија врз Украина.