Претседателски избори - прв круг

април 21, 2019

Граѓаните денеска гласаа на шестите претседателски избори од независноста на земјата. Во трката се тројца кандидати за функцијата - Блерим Река, Гордана Сиљановска Давкова и Стево Пендаровски.

- Заврши гласањето на претседателските избори.
- Одзивот до 18:30 часот е 39,71%, а гласањето се одвива без проблеми.
- Сите гласачки места беа отворени во 7 часот, освен едно во Студеничани.
- Право на глас имаат 1.808,131 граѓани, а гласањето го спроведуваат 80 општински изборни комисии на 3480 избирачки места.
- За победа во првиот круг на еден од кандидатите му е потребно мнозинство гласови од вкупниот број избирачи, односно 904.066 гласови.
- Доколку никој не ги освои потребните гласови денеска, вториот круг гласање е закажан на 5 мај.

10:33 21.4.2019

Со локални проблеми на претседателски избори

Embed

Со локални проблеми на претседателски избори

No media source currently available

0:00 0:01:13 0:00

Дел од жителите на општина Битола излегоа на претседателските избори со очекувања дека ќе донесат решенија и за локални проблеми. Сашо Поповски од битолското село Бистрица, познато по производство на јаболка, има очекувања идниот претседател да изнајде решение за откупот на овошјето.

11:07 21.4.2019

ДИК: До 10 часот гласале 6 отсто од избирачите

До 10 часот, на денешниот прв круг од претседателските избори гласале вкупно 80.569 граѓани, односно 6,05%, соопшти ДИК од каде дополнија дека гласањето тече без проблеми и ќе трае до 19 часот кога се затвораат гласачките места.