Последиците од масовните немири во Казахстан

јануари 14, 2022

Гоце Атанасов

Ова се фотографии од странски војници и од штетата од немирите во Алмати, една недела по масовните немири што го зафатија Казахстан, предизвикани од поскапувањето на гасот.

Претседателот Касим-Жомарт Токаев повика повеќе од 2.000 војници од Организацијата на Договорот за колективна безбедност, предводена од Русија да помогнат во стабилизирањето на централноазиската држава по масовните демонстрации.

Не е јасен точниот број на загинати во насилствата. Иако официјалниот биланс на загинати е 164, Токаев рече дека стотици цивили и безбедносни сили биле убиени и повредени.

Покажи повеќе Show less

1 Руски војници од Организацијата на Договорот за колективна безбедност се качуваат во авион за да летаат дома од меѓународниот аеродром во Алмати. Повлекувањето на мировната мисија предводена од Русија започна на 13-ти јануари, една недела по масовните протести и насилствата во Казахстан.

2 Оштетувања во пожарот на централниот плоштад во Алмати на 11 јануари.

3 Белоруските сили во Алмати за време на официјалната церемонија на повлекување од Казахстан на 13 јануари.

4 Пожар го оштети државниот грб на Казахстан во градското собрание на Алмати на 11-ти јануари.

Вчитај повеќе

Гоце Атанасов

Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

atanasovg@rferl.org