„Од едно парче печурка може да се нахрани цела Македонија“

На младата неготинчанка Кристина Тодорова ѝ недостасува уште дипломската работа на факултетот за Земјоделски науки и храна за да дипломира. Но, не и недостасува практично искуство со инсекти и со печурки, бидејќи со нив се „дружи“ од мала. Таа сака да го искористи потенцијалот на инсектите при обработка на органски отпад за производство на храна за домашни животни и да создава иновативни производи од печурки. Но, и да им помогне на младите од руралните подрачја и на лицата од ранливи категории да почнат свој бизнис со печурки.