Пендаровски: Благодарам, фалимендерит. Ќе бидам престедател од кој нема да се срамите
Заблагодарувајќи им се на гласачите на македонски и на албански јазик, кадидатот на СДСМ за претседател на Северна Македонија, Стево Пендаровски, прогласи победа и вети дека ќе им служи верно на сите граѓани.
ДПА - Со победата на Пендаровски се заокружува процесот на зачленување на земјата во НАТО
Централниот изборен штаб на Демократската партија на Албанците им се заблагодари на сите активисти и симпатизери за напорите и ангажманот што ги дадоа во вториот круг од претседателските избори. Со победата на заедничкиот владин кандидат се заокружува процесот на зачленување на земјата во НАТО, со што се дава и удар врз обидите за влијание на руската политика во овој регион, велат во ДПА.
Али Ахмети - Победи концептот за консензуална демократија
Претседателот на Демократската унија за интеграција, Али Ахмети му ја честиташе победата на Стево Пендаровски и оцени дека станува збор за триумф на концептот за консензуална демократија. Според него, тешко било да се спроведе тој концепт и да се објасни пред јавноста, но бил единствен пат за одење напред.
Преброени над 90 отсто од гласовите, над 60.000 гласови разлика за Пендаровски
Според првичните резултати објавени на веб страницата на ДИК, од обработени 90,75 отсто од избирачките места, води претседателскиот кандидат на СДСМ и Коалицијата Стево Пендаровски со 53,20 проценти, пред кандидатката на ВМРО-ДПМНЕ и Коалицијата Гордана Силјановска Давкова со 43,27 отсто.