Костадинов: ВМРО-ДПМНЕ нека не бара изговори за поразот
Првичните тенденции останаа и заедничкиот наш кандидат за претседател Стево пендаровски има стабилно и сигурно водство, изјави вечерва портпаролот на СДСМ Костадин Костадинов, два часа по завршувањето на гласањето за претседател на државата.
Зурли и тапани пред седиштето на СДСМ во очекување на конечните изборни резултати
Пред седиштето на СДСМ се слави во очекување на конечните резултати од претседателските избори. Во партијата очекуваат нивниот кандидат Стево Пендаровски да победи. Според пребројани 70 отсто од избирачките места, тој води пред неговата противкандидатка Гордана Сиљановска Давкова, поддржана од ВМРО-ДПМНЕ, за околу 60 илјади гласови.
Обработени над половина од гласачките места, води Пендаровски
Според првичните резултати објавени на веб страницата на Државната изборна комисија од обработени 50,80 отсто од избирачките места, води претседателскиот кандидат на СДСМ и Коалицијата Стево Пендаровски со 55,51 проценти, пред кандидатката на ВМРО-ДПМНЕ и Коалицијата Гордана Сиљановска Давкова со 41,05 отсто.
Обработени 33 отсто од избирачките места, води Пендаровски
Според првичните резултати објавени на веб страницата на Државната изборна комисија од обработени 32,72 отсто од избирачките места, води претседателскиот кандидат на СДСМ и Коалицијата Стево Пендаровски со 57,64 проценти, пред кандидатката на ВМРО-ДПМНЕ и Коалицијата Гордана Силјановска Давкова со 38, 95 отсто.