Руски проектили ги опустошија населените места во Доњецк

Дом уништен од руски ракетен напад во населбата Добропиља на 14 јуни. Населбата, северозападно од Доњецк, беше цел на бројни ракетни и артилериски напади. И покрај фактот дека упадот резултираше со илјадници жртви и уништување на цели украински градови, Русија негира дека таргетирала цивилни локации во својата воена акција.

Украински пожарникари го гаснат пожарот предизвикан од руски ракетен напад во населбата Добропиља. Министерството за внатрешни работи објави дека 11 населби во регионот на Доњецк биле цел на 14 јуни, што резултирало со уништување или оштетување на 60 згради. 

Автомобил вози низ разурнатата населба Добропиља која беше погодена од руски ракетен напад.

Руското Министерство за одбрана на 14 јуни соопшти дека погодило над 100 цели во претходните 24 часа, вклучително и концентрации на војници и воена опрема. Тврдењето не можеше да се потврди независно.

Заменик-министерката за одбрана Ана Маљар претходно изјави дека Украина добила само 10 онасто од оружјето што го побарала од Западот за да помогне во борбата против руската инвазија. „Колку и да се труди Украина, колку и да е професионална нашата армија, без помош од западните партнери, нема да можеме да победиме во оваа војна“, рече Маљар, велејќи дека Западот треба да ја забрза испораката на оружје.

Украинските молби за повеќе тешко вооружување добија поголема итност, бидејќи руската артилерија гаѓа цели долж борбениот фронт кој се протега на стотици километри.