Роботи и дронови против КОВИД-19

Роботско куче со четири нозе, именувано како Спот, патролира во парк при тестирање да биде амбасадор за безбедно растојание во време на пандемијата од КОВИД-19 во Сингапур на 8-ми мај.

Медицински лица минуваат покрај полициски робот на меѓународниот аеродром Тианхе во Вухан на 8 април, откако беа отворени границите на Вухан, главниот град на провинцијата Хубеи и кинески епицентар на епидемијата од коронавирусот.

Интелегентен робот за стерилизација со УВ-светло дезинфицира во тоалет на меѓународниот аеродром Хонг Конг, Кина, на 7 мај.

Робот држи послужавник со заштитни маски и средство за дезинфекција на 17 март. Тој, и уште еден ист робот, беа пуштени во употреба за да ја кренат свеста за коронавирусот во Кочи, Индија.

Со помош на дрон се дезинфицираат улиците за време на пандемијата од КОВИД - 19 во Талкахуано, Чиле на 21 март.

Робот помага на медицински тим при лекување на пациенти заболени од КОВИД-19 во болницата Цирколо, во Варесе, Италија на 1 април.

Медицинско лице гледа снимка преку робот кој помага на медицинските тимови при лекување на пациенти заболени од КОВИД-19 во болницата Цирколо во Варесе, Италија на 1 април.

Вработени во кинеската компанија „КлаудМајндс Технолоџис“ во Пекинг, Кина на 2 март гестикулираат пред робот кој работи преку 5Г и кој треба да нуди медицински совети за новиот коронавирус.

Робот, создаден од аргентинска компанија, со УВ-светло лоцира бактерии и дезинфицира во автобус во Буенос Аирес, Аргентина на 30 април.

Робот кој е амбасадор за физичко растојание, наречен „Табла за јавни услуги“ О-Р3, испраќа потсетници до рекреативци да држат безбедно растојание за време на пандемијата од КОВИД-19 во Сингапур на 27 април.

Работници со заштитни маски на самобалансирачки скутери контролираат роботски испрскувач на средство за дезинфекција меѓу станбени згради во Вухан, епицентарот новиот коронавирус, во Кина на 3 март.

Робот дизајниран да помогне на медицинските работници во далечинско лекување на пациенти заболени од КОВИД-19, фотографиран за време на медиумска демонстрација при Универзитетот Цингуа во Пекинг, Кина на 4 март.

Жена гледа во дрон кој го користи малезиската полиција за да ги потсети граѓаните да останат дома за време на полициски час поради коронавирусот во Куала Лумпур, Малезија на 24 март.

Андре Десмаеле, 76 годишна белгијка комуницира со познаник благодарение на робот, кој е дониран од белгиска компанија во дом за стари лица за да можат да комуницираат со своите блиски при забраната за посети поради ширењето на коронавирусот во Остенд, Белгија.

Човеколикиот робот Препер стои пред каса во продавница и ги објаснува безбедносните мерки и промовира солидарност во време на пандемија од КОВИД-19 во Линдлар, Германија на 31 март.

Робот бои ковчег во компанија за производство на ковчези во Франција на 2 април.

Робот кој испрскува средство за дезинфекција како превенција од новиот коронавирус искачува скали во Луојанг, провинција Хенан, Кина на 22 февруари.

Робот со средство за дезинфекција на раце шета во трговски центар во Шангај, Кина на 4 март.

Пабло Гуера, ректор на Универзитетот Магдалена, доделува дипломи на ново дипломираните студенти по медицина преку роботот Лиед за време на онлајн дипломирање поради коронавирусот во Санта Марта, Колумбија на 16 април.

Робот пренесува храна наместо келнери во ресторан поради епидемијата од КОВИД-19 во Шангај, Кина на 19 март.