Македонска Каменица има 75 илјади жители, скоро колку Дебар и Центар Жупа заедно. Македонија има четири милиони жители, од кои 20 отсто се илегални мигранти од Африка и Блискиот Исток кои си ја побарале среќата во забревтаната пехчевска индустрија или во туристичкиот сектор во Демир Хисар кој доживува невидена експанзија. Бројот на Албанци и Македонци и таман за сите да бидат задоволни, но никој еуфоричен.
Со вакви резултати од најавениот попис веројатно сите би биле задоволни, освен што би имало само еден проблем. Тие не се точни.
Власта постојано уверува дека се работи за статистичка, а е не за политичка операција. Критичарите, пак, велат дека со оглед на тоа што според Уставот, колективните права на етничките заедници произлегуваат од нивната бројност, пописот секогаш ќе биде политичка операција.
Опозициските партии постојано изразуваат сомнеж дека пописот ќе биде „наместен“ и лицитираат со бројки на етничките заедници. Прв јавно излезе лидерот на Левица Димитар Апасиев.
Портпаролот на ВМРО-ДПМНЕ, Димче Арсовски го зголеми влогот.
(Видео) Арсовски: СДСМ и Заев ветиле во пописот да наштелуваат над 32% албанско население https://t.co/BMgFp6XFff
— zivko ilijeski (@zivkoili) January 16, 2021
Сега, лицитацијата дојде и од страна на власта. Пратеникот Арбер Адеми од ДУИ вели дека нема да ги прифати резултати ако Албанците испаднат под 20 отсто. Партијата реагираше дека се работи за личен став, а премиерот Зоран Заев рече дека никој нема да задира во стекнати права без разлика на резултатите од пописот.
Пратеник, бивш министер во башибозуков, кој го гласаше новиот Закон за попис, става сомнеж во резултатите од сам почеток. Ваквото дигање магла намерно е насочено и кај двете страни кои мислат дека со пописот ќе се фаворизира некој етникум.Подлите луѓе најлесно пловат во матно pic.twitter.com/oth0G5MH1F
— Daniel Evrosimoski (@evrosimoski) January 20, 2021
Шо убо вака бе, не ти се допаѓа нешто и едноставно не го признаваш.Губиш на избори, викаш местено е, не признаваш.Губиш на суд, не признаваш...Паѓаш на испит, не признаваш, проф.те мрази.Пописот....Да ти се згади веќе. pic.twitter.com/gSWXZVy1bB
— Waiter 🇲🇰 (@WaiterMKD) January 20, 2021
По политичките претставници, и граѓаните на социјалните мрежи почнаа да лицитираат со бројки, некои на шега, некои сериозно.
Попис во кој Македонците не се над 72,5% јас не го признавам!!!
— MITE NAJDOFF (@Kalabalak_) January 20, 2021
Ако сите веќе си ги имаат посакуваните резултати во глава, зошто тогаш да се трошат пари за попис. Може да седнат и да се договорат колку треба да сме.
Нека седнат на маса, нека се договорат колку сме, какви сме и не мора да се трошат пари за попис. pic.twitter.com/zwoDXY4q87
— Руи (@riste_g) January 20, 2021
Да се изјаснат сите националности колку треба да ги наместиме процентите, и да не трошиме пари за искачање на терен. Ќе го пишеме од рука пописот.
— Wubalubadubdub (@seirdotmk) January 20, 2021
Шефиците од Кам да го водат пописот во Македонија
— Pindar (@kurka_32) January 20, 2021
Пописов, желботека бидна боже не сачувај
— Pospan🇵🇫 (@zivotnaulica) January 20, 2021
Некои, пак, почнаа да се исмеваат со „броењето крвни зрнца“.
Ако металците бидат под 20%, нема да ги прифатам резултатите од пописот
— Dimitar P. (@Dmee82) January 20, 2021
Еве пошто сите ги знаат резултатите може да немаме попис уште 10 години pic.twitter.com/b3lfbFMbkZ
— GK (@KG_OhriT) January 20, 2021
Не го признавам резултатот од Пописот ако веганите искочат под 7,32%
— b®g (@asimilacija) January 20, 2021
Ако гејмерите бидат под 69%, нема да ги прифатам резултатите од пописот.
— Не баш Токсичен1 🗣 (@Covek1) January 20, 2021
На пописов по националност ќе се пишам клингонец, по вероисповед Џедај. Најдоброто од двата светови.
— Xveili (@Xveili) January 6, 2021
Гане Тодоровски во „Нашинска“ пееше да ни е да сме доволно „да се разбистри небоно над Бистрине, Корабине“ и „колку да се довардиме покрај Вардарине и Струмине“.
„по стопати по севезден нè пребројуваат
Но ние сме како што сте како што се
И покрај сè и покрај сè
колку сме толку сме токму сме!“
Се чини дека ни знаеме колку сме, а под прашање е и дали сме токму.
Досега немавме попис и не им верувавме на бројките.Сега ќе имаме попис и пак нема да им веруваме на бројките.
— Saso (@saso_arsov) January 14, 2021
Директорот на Државниот завод за статистика Апостол Симовски во неделното интервју на Радио Слободна Европа рече дека резултатите од пописот нема да им се бендисаат на многумина, но оти статистиката не ја прави реалноста, туку ја регистрира.