Гневни реакции на социјалните мрежи по владината одлука да воведе полициски час за продолжениот викенд во половина Македонија. Ние што два месеци не се дружиме со никого, се тргаме на страна кога се разминуваме со луѓе и носиме маска ќе одиме во притвор поради некој што ни почитува полициски час, ни забрана за групирање, се најчестите реакции на социјалните мрежи. Немавте храброст да ги затворите верските објекти, дозволивте литии, собирање за ифтари, се уплашивте од ИВЗ, па направивте полициски час „со пауза“ за Бајрам, па ајде сега затворете нè сите, коментираат граѓаните.
Знаете како функционира карантин во Македонија? Здравите седат дома, за болните да можат слободно да шетаат без никого да заразат.
— Ибе Паликуќа (@Ibe_Palikukja) June 3, 2020
Тоа што не ги казнувавте непочитувачите ги доведовте у опасност почитувачите... И така
— i999y (@i999y) June 3, 2020
полицискиов час ми е еквивалентен на тоа да имаш пожар дома и да ти гори спалната а ти ко будала упорно си ја поплавуваш дневната со вода и се чудиш зашто уште мириса на чад
— Муарко (@Muarko) June 3, 2020
Во вжештена атмосфера, прстот веднаш се вперува во „другите“.
Христијаните ги затворија за Велигден и сега им забрануваат и на гробишта за задушница. За Бајрам намерно го прилагодија да си појдат во џамија. Пошто нели еднакво општество за сите ќе градеа
— Henry Chinaski (@Hank___Chinaski) June 3, 2020
Но, други не се согласуваат со тоа.
Кисела Вода вечерва. Немој да сум чула дека Филипче е крив. Или албанците биле племе. Сите заедно сме едно колективно племе! pic.twitter.com/CzqNwMpc2x
— Мрснокоса (@Mrsnokosa) June 3, 2020
Дел од граѓаните се загрижени дека продолжениот полициски час е поголема шанса за ширење на болеста.
Мерката за затворање на Скопје е идеална за ширење на вирусот кај што го нема со недели...по сите мали места со скопски викендици...
— shrink (@Vlayo) June 3, 2020
Дури сега ја сфаќам онаа народната "врзан поп, мирно село".
— Aleksandar Tortevski (@atortevski) June 3, 2020
Дел од граѓаните ја обвинуваат владејачката партија дека со инсистирањето на брзи избори испратила сигнал до граѓаните дека најстрашното помина и затоа се опуштија. Позитивен на коронавирус е потпретседателот на СДСМ, Мухамед Зекири и директорката на УЈП, Сања Лукаревска, е поради средби со нив, во домашна самоизолација се неколку министри и високи функционери на СДСМ.
Во времето на Шарената револуција имаше десетици пародии на германскиот филм „Хитлер, последните денови“ за да се исмева поранешниот премиер Никола Груевски. На удар сега дојде и неговиот наследник Зоран Заев.
Некои сметаат дека додворувањето кон верските заедници поради политички поени во пресрет на изборите, ќе им се удри од глава.
Ковидот ја потенцира неспособноста на сдсм и поганоста на вмро.Има трета опција, ама вие сте мазохисти.
— Aleksandar (@saltwatered) June 3, 2020
Некои, пак, го опишуваат држењето на ситуацијата под контрола со ТВ серијата Чернобил, за нуклеарната катастрофа во поранешниот СССР.
Во меѓувреме, лидерот на ВМРО-ДПМНЕ, Христијан Мицкоски бил во кафеана во Дебар Маало, а вработените не ги пуштиле инспекторите во објектот за да проверат дали се почитуваат мерките. Мицкоски бил во внатрешниот дел на кафеаната, а на угостителските објекти им е дозволено да работат само на терасите. Мицкоски призна дека згрешил, но дека власта го дефокусира вниманието на јавноста од катастрофалното справување со коронавирусот.
Го начекуваат инспектори како седи во затворен дел од кафана. Телохранителите не ги пуштаат да влезат, го изнесуваат некако, инспекторите го гледаат. Се обидува да ги избрише снимките од околните камери. Дно без образ и грам морал - тоа е суштината на господинот Мицкоски.
— Yoko (@jordantscho) June 3, 2020
Еве и да бил... ХАХАХАХА!!! pic.twitter.com/3FYjeJQaFr
— Sveste tese (@sveste_tese) June 3, 2020
Дел од медиумите објавија дека поранешната специјална јавна обвинителка Катица Јанева се соблекла по долна облека, кога била одведена на работен состанок во Државниот завод за ревизија, во знак на револт зашто не ѝ било дозволено да повика адвокат. Ревизорите ѝ ги претставувале наодите од ревизијата на финансиското работење на СЈО. МВР објави дека таа недолично се однесувала, но не потврди дали се соблекла по гаќи. Тоа, сепак, не ги спречи коментарите на социјалните мрежи.
Ја би Фатиме да ми се соблече!
— МилаШила (@MilaShila9) June 3, 2020
Додека траеше сето ова, во кратовското село Куклица биле уапсени седум полицајци кои правеле домашна забава и се групирале. Оние кои треба да ги спроведуваат владините мерки за заштита од коронавирусот, веројатно сметаат дека тие не се однесуваат на нив.
Не треба ни рима за ова pic.twitter.com/SbjS4i4Nu4
— Брусница Вејн (@TheBatLadyM) June 3, 2020
Вкупната бројка на дијагностицирани со коронавирус во нашата земја од почетокот на епидемијата изнесува 2492, бројката на оздравени пациенти е 1605, на починати е 145, а во моментов бројот на активни случаи во земјата изнесува 742. Бројот на заразени драстично се зголеми во изминатите неколку дена.