„Подготвена сум уште денеска да ја извадам периката, ама општеството не е“

Новинарката Цеце Николова денес е девојка која со самоуверен чекор се движи по скопските улици. Некогаш, била збунето, но смело дете кое расте без родителска грижа. Кога имала шест години, го напуштила нејзиното згрижувачко семејство каде доживеала трауми и почнала живот во СОС детско село. Таму конечно нашла замена за мајчинска љубов и топлина кај мајка Наташа. Но, тогаш се појавила и нова препрека-алопеција. Години подоцна, вели, целосно се прифатила себе и нема намера да бара решение за проблемот, но бара да општеството да ги „олабави“ своите граници за оние кои се поинакви од повеќето други. А има намера да ги решава проблемите на младите без родителска грижа, преку здружението „За тебе“, како негова претседателка.