Пеејќи ја „Неправда“, лицата со Даунов синдром пуштија глас за прaвда

Членовите на првиот инклузивен градски хор на својот прв настап во центарот на Скопје, пуштија глас со надеж дека ќе стигне директно до центарот - до оние кои треба да ги слушнат, па да им дадат шанса. Целта на хорот кој е резултат на соработката меѓу здружението на лица со Даунов синдром „Трисомија 21“ и „Колектив Ветерница“ е да се покаже дека уметноста и културата може да бидат алатки за вклучување и социјализација, а со тоа да го подобрат животот на лицата со Даунов синдром, но и на другите лица со посебни потреби.