Три парцели кај зградата „Тифани“ во најстрогиот центар на Скопје од државни стануваат приватни со објаснување од Управата за имотно-правни работи дека се работи за дооформување на парцела, објави порталот А1ОН.
Две од трите парцели, според јавно достапните податоци од Агенцијата за катастар на недвижности, се сопственост на Република Македонија, а една е запишана како сопственост на Општина Центар.
Двете парцели во сопственост на Република Македонија се со површина од 22 и 90 квадратни метри, а парцелата на Општина Центар има 301 квадратни метри. Според информациите на А1ОН досега е одобрена приватизација на 185 квадратни метри. Приватизација на земјиштето побарала фирмата СМС шопс, која заедно со неколку физички лица ја дели сопственоста на соседната парцела.
Herw we go again! Само во Македонија, предност да окрупни парцела има сопственик на приватно земјиште кое е со помала квадратура од соседните парцели во државна сопственост. https://t.co/t1hxcBNjzC
— DCI Barnaby 🇺🇦 🇲🇰 (@BozhoBozhovic) March 23, 2022
Брекфаст ту Тифани. https://t.co/vylYmUAYQF
— 💉Ej Brej💉 (@Gogiche) March 24, 2022
Слободниот плац доволно долго беше слободен.Со овој градоначалник нема да има заборавени и незлоупотребени простори за градби. ВИДЕО: Три државни парцели стануваат приватни за нова шесткатница кај „Тифани“ https://t.co/9kb4NfgPXn
— Darko Arsovski (@dArsovec) March 23, 2022
Како да ги сватиме озбилно општините и градоначалниците кога освен што продаваат државно земјиште за згради, ни еден проект немаат направено што ќе носи пари и општината ќе управува со него.
— Blogaj Kasparov 🌍🖖🥊🏂🎮 (@kapsarovb) March 23, 2022
Општина Центар реагира дека е затечена од решението на Управата за имотно-правни работи во состав на Министерството за финансии да им го одземе правото на користење на земјиштето.
Видете и ова: Предизборно „штанцање“ градежни дозволиПретходно, на 10 март, редакцијата на „Само прашај“ објави дека Министерството за финансии, два дена пред Нова година, на фирмата на бизнисменот и поранешен пратеник Фатмир Етеми ѝ продала четири парцели со вкупна површина од 663 квадратни метри, во близина на зградата на Нова Македонија во центарот на Скопје по цена од 7 евра за квадратен метар. Градежникот Етеми, кој на тоа место сака да гради 15-катница, земјиштето го приватизирал за дооформување на парцела. Плацови во центарот на градот се продаваат и по 200-300 пати повисока цена од тоа.
Министерството за финансии и Владата не им одговориле на прашањето колкава површина државно земјиште е приватизирано во изминативе пет години по цени од 1 до 7 евра за квадрат, согласно Уредба којашто е на сила од 2011 година.
Слушам возбудени за парцелата од 7 евра во центар. Немаме фиљан новинари да истражат, да видите колку државни парцели за бадијала се земени од денешни "моќници" од 90ти наваму. Да не мислите со чесен бизнис станаа тајкуни?
— 4 цркви и бензинска (@Seirbey) March 12, 2022
Министерот за финансии Фатмир Бесими рече дека за продажбата дознал од медиумите и најави измени на уредбата за приватизација на државно градежно земјиште од 2011 година.
Онаму еден другар некни купи парцела за 7 евра квадрат pic.twitter.com/DAsLPLtboD
— Кичевчанецот🇲🇰 (@zoreski) March 14, 2022
За тоа нешто ситно што остана. Сите што направија големи згради истите финти со децении ги прават. Купува една парцела, втора со уцена и закана и трета од државата за дооформување за багатела у 4 очи и оп маркица. Градоначалникот и советниците сити и криминалците на број.
— 4 цркви и бензинска (@Seirbey) March 12, 2022
Меѓудругото, на "Утрински брифинг" Фатмир Бесими рече: "Уште оваа парцела и ќе ја менуваме Уредбата" 🚩Значи: Цели 5 години НЕ ја менувале Уредбата СО ЦЕЛ да угодат на Етеми додека да го купи земјиштето за 7€ 🚩📍 pic.twitter.com/LJoPvoDiBr
— Мaрга (@MKProlet) March 11, 2022
Антикорупциската комисија отворила постапка за да го истражи случајот.
Дури и во дојранските села, земјиштето се продава поскапо.
Пошто му го шитнавме земјиштето по цена на парцела на Криволак, ја мислам дека треба да му го субвенционираме и објектот.Само да покаже добра воља да плати комуналии.
— Конзерва (@Becka_skola) March 14, 2022
Независната советничка група Шанса за Центар предупреди дека се продава и државното земјиште кое е дел од поранешната фабрика Треска. Општина Центар демантира дека продава земјиште во четири очи и дека општината ниту продава, ниту ќе продава земјиште спротивно на законот.
„За конкретниот случај, со споменатите парцели кај „Треска“ до општината стигнати се 6 предмети за дооформување градежна парцела и 20 предмети за откуп на земјиште под објект и по овие постапки општината сè уште нема одговорено“, реагираа од Општина Центар.